قومی کرکٹ ٹیم کے سابق آل راؤنڈر شاہد آفریدی اور سابق بھارتی اوپنر گوتم گھمبیرکے درمیان لفظی جنگ چھڑ گئی۔
دونوں سابق کھلاڑیوں کے درمیان ماضی میں بھی میچز کے دوارن لڑائی جھگڑے کے واقعات دیکھنے میں آچکے ہیں اور اب سپر اسٹار کھلاڑیوں کے درمیان لفظی جنگ شروع ہو گئی ہے۔
پاکستانی سابق کھلاڑی شاہد آفریدی نے چند ماہ قبل شائع ہونے والی آپ بیتی میں بھارتی کھلاڑی گوتم گھمبیر کے بارے میں لکھا تھا کہ ‘گوتم گھمبیر کے کافی نخرے ہیں، وہ خود کو ڈان بریڈ مین اور جیمز بانڈ کا امتزاج سمجھتے ہیں، ان کا کوئی خاص ریکارڈ بھی نہیں’۔
Someone who doesn’t remember his age how will he remember my records!OK @SAfridiOfficial let me remind u one: 2007 T20 WC final, Ind Vs Pak Gambhir 75 off 54 balls Vs Afridi 0 off 1 ball. Most imp: We won the Cup. And yes, I’ve attitude towards liars, traitors & opportunists.
— Gautam Gambhir (@GautamGambhir) April 18, 2020
بعد ازاں اس کتاب کے شائع ہونے کے چند ماہ بعد بھارتی کھلاڑی گوتم گھمبیر نے شاہد آفریدی کو جواب دینے کے لیے سوشل میڈیا کا سہارا لیتے ہوئے ایک ٹوئٹ کیا۔
ھمبیر نے اپنے ٹوئٹ میں لکھا کہ ‘جسے اپنی عمر یاد نہیں اسے میرے ریکارڈ کیسے یاد ہوں گے، شاہد آفریدی میں آپ کو یاد دلاتا ہوں، 2007 ٹی ٹوئنٹی ورلڈ کپ میچ میں 54 گیندوں پر 75 رنز بنائے تھے اور اس میچ میں آفریدی بغیر کوئی رن بنائے آؤٹ ہوئے اور ہم ورلڈ کپ جیت گئے تھے’۔
بھارتی کھلاڑی نے مزید لکھا کہ ‘اور ہاں میں جھوٹوں کے بارے میں اپنا ایسا ہی جارحانہ رویہ رکھتا ہوں’۔
گوتم گھمبیر کے ٹوئٹ پر پاکستان کرکٹ کے مداح اور بوم بوم آفریدی کے چاہنے والوں نے انہیں آڑے ہاتھوں لے لیا۔
کرکٹ کے صحافی ڈینس ڈز نے گوتم گھمبیر کا ٹوئٹ شیئر کرتے ہوئے لکھا کہ ‘گوتم بہت ہی بے وقوف شخص ہے’۔
Best example of: Endia is spreading hatred & Pakistan is spreading love.
— Yasir Iqbal Khan (@YaSiR___kHaN) April 18, 2020
In the time of #Covid_19 pandemic Gautam Gambhir is interested to promote himself by trolling others and our Captain Shahid Afridi is busy in helping and feeding minorities.@SAfridiOfficial @siasatpk pic.twitter.com/oRF4W8lsF1
یاسر نے گوتم گھمبیر کی ٹوئٹ اور شاہد آفریدی کی غریبوں کی مدد کرتے ہوئے ایک تصویر شیئر کی جس میں انہوں نے لکھا کہ یہ بھارت کی جانب سے نفرت اور پاکستان کی جانب سے محبت پھیلانے کی ایک بہترین مثال ہے۔
Someone who doesn’t remember his age how will he remember my records!OK @SAfridiOfficial let me remind u one: 2007 T20 WC final, Ind Vs Pak Gambhir 75 off 54 balls Vs Afridi 0 off 1 ball. Most imp: We won the Cup. And yes, I’ve attitude towards liars, traitors & opportunists.
— Gautam Gambhir (@GautamGambhir) April 18, 2020
نا صرف پاکستانی بلکہ بھارتی شخص نے بھی گوتم گھمبیر پر تنقید کی، ندیم رام علی نامی بھارتی صارف نے گوتم گھمبیر سے کہا کہ ‘میچ ٹیم ورک سے جیتا جاتا ہے، آپ ایسے ظاہر کر رہے ہیں جیسے صرف آپ نے ہی پرفارمنس دکھائی، باقی 10 کھلاڑیوں نے تو کچھ نہیں کیا، اگر آپ یہ کہتے ہیں کہ آپ نے اکیلے میچ جتوایا تو یہ غلط بات ہے’۔
