اسٹیبلشمنٹ تین تجاویز لےکر آئی، الیکشن والی تجویز سے اتفاق کیا: عمران خان
اسلام آباد: سابق وزیراعظم عمران خان نے ایک بار پھر کہا ہےکہ اسٹیبلشمنٹ تین تجاویز لےکر ان کے پاس آئی جس پر انہوں نے الیکشن... اسٹیبلشمنٹ تین تجاویز لےکر آئی، الیکشن والی تجویز سے اتفاق کیا: عمران خان

اسلام آباد: سابق وزیراعظم عمران خان نے ایک بار پھر کہا ہےکہ اسٹیبلشمنٹ تین تجاویز لےکر ان کے پاس آئی جس پر انہوں نے الیکشن والی تجویز سے اتفاق کیا۔

صحافیوں سے غیر رسمی گفتگو کرتے ہوئے عمران خان نے کہا کہ پچھلے انتخابات میں ٹکٹوں پر توجہ نہیں دی تھی، اس بار ٹکٹس خود دیکھ کردوں گا جب کہ اتحادیوں کوٹکٹ دے کرسبق سیکھا ہےکہ اتحادی نہیں ہونے چاہئیں، کسی الیکٹ ایبل کو ٹکٹ نہیں دوں گا۔

 اتحادیوں کوٹکٹ دے کرسبق سیکھا ہےکہ اتحادی نہیں ہونے چاہئیں: عمران خان

انہوں نے کہا کہ میرے خلاف اس وقت سازش ہوئی جب چیزیں ٹھیک ہورہی تھیں،میری اس مافیا سے لڑائی تھی جو قیمتیں اوپرلےجارہی تھی۔

سابق وزیراعظم نے اعتراف کیا  کہ جسٹس قاضی فائز عیسیٰ کے خلاف کارروائی غیر ضروری سمجھتا ہوں، ان کے خلاف دائر کیس غلطی تھی، ریفرنس اس وقت وزارت قانون کی جانب سے بھیجا گیا تھا، وزیرقانون نےجسٹس قاضی کے مختلف فلیٹس اور اثاثوں پربریف کیا تھا، ہمیں غیر ضروری طورپرعدالتی محاذآرائی نہیں کرنی چاہیے تھی۔

فرح خان سے متعلق انہوں نے کہا کہ فرح خان کے پاس عہدہ تھا نہ وزارت ، وہ کیسے پیسے لے سکتی ہے، اس سلسلے میں کسی کے پاس کوئی ثبوت ہے تو سامنے لائے۔

عمران خان کا کہنا تھا کہ توشہ خانہ سے جو کچھ لیا وہ ریکارڈ پر ہے، ایک غیر ملکی صدر نے گھر آکر تحفہ دیا وہ بھی جمع کرا دیا،ساڑھے تین سال بعد ان کو توشہ خانہ ملا ہے تو یہ اللہ کا احسان ہے، توشہ خانہ سے چیزیں 50 فیصد قیمت ادا کرکے خریدیں، ہم نےتوشہ خانہ کی چیزوں کی قیمت 15سے بڑھا کر 50 فیصد کی۔

توشہ خانہ سے جو کچھ لیا وہ ریکارڈ پر ہے: سابق وزیراعظم

انہوں نے کہا کہ ہمارے خلاف کرپشن یاکوئی اسکینڈل نہیں آیا،کوئی ڈیل کی ہے تو بتائیں، پی ٹی آئی کے سوا کسی جماعت کے پاس فارن فنڈنگ کا ریکارڈ نہیں، ہم نے کوئی فارن فنڈنگ نہیں لی، پارٹی سے نکالے گئے شخص نے غلط کیس کیا، فارن فنڈنگ کیس تمام جماعتوں کے اکٹھا چلائیں۔

سابق وزیراعظم نے کہا کہ ایف آئی اے میں تبدیلیاں ہورہی ہیں اور 24 ارب کی تفتیش کرنے والوں کو تبدیل کیا جارہا ہے، جب کہ شہبازشریف ابھی سے انجینرنگ کررہا ہے، یہ اپنے افسران لگا کرمیچ فکس کریں گے،یہ کوشش میں ہیں نواز شریف کے کیس ختم ہوں، یہ نیب ایف آئی سے کیسز ختم کرائیں گے۔

عمران خان کا کہنا تھاکہ کوئی ایسی بات نہیں کروں گا جس سے ملک کو نقصان ہو، ہمارے لیے مضبوط فوج بہت ضروری ہے، میں اس لیے نہیں بول رہاکہ مضبوط ،متحد فوج پاکستان کی ضرورت ہے، ہم مسلمان ملک ہیں، مضبوط فوج ہماری سلامتی کی ضامن ہے۔

چیئرمین پی ٹی آئی نے کہا کہ روس کے دورےکے کے معاملےپر فوج آن بورڈ تھی، روس جانےسے پہلےجنرل باجوہ کو فون کیا جس پر جنرل باجوہ نے کہا کہ ہمیں روس جانا چاہیے۔

 اسٹیبلشمنٹ تین تجاویز لےکرآئی: عمران خان

عمران خان کا کہنا تھا کہ اسٹیبلشمنٹ تین تجاویز لےکرآئی، الیکشن والی تجویز سے اتفاق کیا، میں استعفے اور تحریک عدم اعتمادکی تجویز کیسے مان سکتا تھا۔

انہوں نے کہا  کہ کراچی اور پشاور میں جتنے لوگ نکلے پاکستان میں پہلے نہیں دیکھا، جب یہ میچ کھیلتے ہیں تو امپائرساتھ ملا کرکھیلتے ہیں، قوم سے اپیل ہے انہیں تسلیم نہ کیا جائے، اگر قوم نے اس سازش کو تسلیم کرلیا تو ملک کے ساتھ برا ہوگا۔

سابق وزیراعظم نے کہا کہ انڈیا امریکا نے ڈو مور کی بات کی تو کوئی نہیں بولا، پاکستان نے امریکی جنگ سے بہت نقصان اٹھایا، روس سے ہتھیار، تیل،گندم اور گیس کی بات کی، روس گندم تیل 30 فیصد سستا دینے کو تیار تھا۔

عمران خان  نے کہا کہ میرے خلاف نومبر سے سازش شروع ہوئی اور جنوری میں تحریک عدم اعتمادلانے کا پلان ہوا، امریکی سفارتخانے نے ہمارے ناراض ایم این ایز سے ملاقاتیں کیں، امریکی دھمکی آنے کے بعد اتحادی بھی ان کے ساتھ مل گئے، ہمیں کہا گیا روس نہ جائیں، دوسری جانب ان کا اتحادی انڈیا تیل خرید رہا تھا، ہمیں کہا گیا روس کے خلاف یو این میں ووٹ دیں۔

چیف الیکشن کمشنر کا نام اسٹیبلشمنٹ نے دیا تھا: سابق وزیراعظم 

ان کا کہنا تھا کہ آزاد خارجہ پالیسی عوام کے مفاد کے لیے ہوتی ہے، قوم کو آزادی کےلیے نکلنا ہوگا، آزاد خارجہ پالیسی ہوتی تو یہ نہ ہوتا۔

عمران خان نے کہا کہ چیف الیکشن کمشنر کا نام اسٹیبلشمنٹ نے دیا تھا لیکن الیکشن کمشنر کا انتخاب آزاد باڈی کو کرنا چاہیے۔

alphanew